يلا بنا يا كتاكيت نتعلم ايطليانو

--------------------------------------------------------------------------------

انا حبيت اشارك هنا في لغة تعتبر من اجمل لغات العالم وكمان الطليان يعتبرو من اجمل شعوب العالم وانا بحبهم اوي اوي وانا باخد في المدرسة طلياني وفرنسي وانحليزي بس انا بصراحة بحبها اكتر واحده
اللغة الطليانية لغة فيها مزيكا وفيها احساس ومش صعبة وهتلاحظو قدام شوية في كتير كلمات احنا كنا فاكرنها انها عربية بس هي في الاصل طليانية
واللي بتعلم طلياني مش صعب بعد كده يتعلم اسباني وفرنسي وبرتغالي لانهم كلهم لغات لاتينية


الدرس الاول


هنبدا الدرس الاول عن ازاي ننطق الحروف الطليانية
الطليانية فيها بس 21 حرف لكن الانجلش 26 فالخمسة الباقين مش بستعملو في الطلياني الا لكلمات اجنبية تانية مش طليانية
الحروف الخمسة همه
J,K,W.X.Y
مثلا نؤل كلمة Jeans دي كلمة مش طليانية فالحرف ده الي هو J استعملوه غير كده لا


نبدا ب21 حرف
A : ننطقها زي a في father مثال على الحرف ده carta ننطقها كرتا يعني ورق


B : زي الانجلش ما فيش فرق واديكو مثال على الحرف ده Buongiorno يعني صباح الخير


C : ليه حاجتين اما ننطقه "k" او ننطقه " ch" اللي هي تش
النظام للحرف ده
1/ ازا جيه بعد الحرف e او i على طول ننطقه تش "ch" زي كلمة Ciao نؤلها تشاو الي معناها باي او هاي
2/ ازا جيه بعد منه اي حرف تاني غير دول على طول تؤل "k" زي كلمة comprare نطقها كومبراري اللي معناها نشتري


D : ننطقه زي الانجلش زي كلمة DOMANI اللي هي معناها بكره ننطقها دوماني


E : ننطقها A زي في كلمة hair في الانجلش واديكو كلمة SEDIA يعني كرسي وننطقها سيديا


F : زي الانجلش ما فيش فرق زي كلمة famoso يعني مشهور وننطقها فاموزو


G : ليها بردو حاجتين اما ننطقها ج او غ والنظام بتاعها زي C بالزبط
يعني لما نؤل GIORNO بما انها وراها I ننطقها ج يعني جورنو يعني يوم
لما نؤل gelato ننطقها ج علشان من بعد منها e يعني جيلاتو يعني ايس كريم
لما نؤل grande على طول ننطقها غ يعني غراندي يعني عظيم او كبير


H : نكتبها بس مننطقهاش خالص ولا كأنها موجودة يعني نؤول HANNO ننطقها انو ومعناها They have
لي عودة ..........

الدرس التاني " Lezione Due"
نكمل باقي الحروف
I : الحرف ده ليه نظامين
1/ ازا جيه بعد منه حرف VOWLES اللي همه E, O,A,U على طول ننطقه Y زي كلمة Iery نطقها يري يعني امبارح
2/ غير كده ننطقه E زي كلمة Italiano ننطقها ايطاليانو ومعناها طلياني

L : دي في حاجة مختلفة عن الانجلش في النطق نفسه يعني لما تؤلها تسيب لسانك وبؤك بالطول مش بالعرض ليها رنة كده زي كلمة Libro ننطقها ليبرو ومعناها كتاب

M : زي الانجلش زي كلمة Mesa ننطقها مىسا ومعناها شهر

N : زي الانجلش زي كلمة Notte ننطقها نوتى ومعناها night

O : دي ليها نظامين متعرفهاش الا ازا سمعت نطقها واحدة لما تنطقها لازم يكون بؤك مفتوح وانت تنطقها والتانية بؤك يكون شوية مقفول لما تنطقها لازم تسمعو علشان تعرفو بس هديكو مثال يمكن تقدرو تعرفو
1/ O المسكرة يعني زي كلمة rope في الانجلش نلفظها كده واديكو مثال عليها sole سولى ومعناها شمس
2/ O مفتوحة زي كلمة soft بالانجلش كده ننطقها واديكو مثال كلمة porta ننطقها بورتا يعني باب

P : زي الانجلش ولازم نفرق بينها وبين B لاني احنا العرب مش بنفرق وكده غلط علشان كتير اوي الكلمة بتتغير معناها وانت بتكلم واحد اجنبي ازا ما فرقتش بين دي ودي هيتوه معاك
مثال على الحرف ده Perche نطقها بيركي ومعناها لماذا

Q : الحرف ده دايما بيحي بعد منه حرف U وننطقه زي كلمة Queen بالانجلش ومثال على الحرف ده Qui ننطقها كوي يعني هنا
R : دي بردو ليها نطقين بس لازم تسمعو علشان تميزو بس خلينا نسيبها دلوأتي مع التمرين هتعرفو ازاي ننطقها صح
اديكو مثال mare الي هي البحر

S : ليه نظام هؤلكو عليه
1/ لما يجي بين اتنين vowles ينطق ز غير كده ننطقه س
CASA : لانه جيه بين اتنين vowles ننطقه كازا معناه بيت
2/ ازا جيه بعد حرف S دي CI أو CE دي في الحالة دي ما ننطقوش خالص بس هيحص ايه بدا من نطق CI تشي ننطقها شي زي كلمة SCENE ننطقها شينى مش تشينى ومعناها زي مشهد كده
3/ ازا جيه بعد حرفS حرف C من غير I,e ساعتها ننطق sc (سك) زي كلمة schiavo تنطق سكيافو ودي معناها الشغال

T : زي الانجلش بالزبط وننطقها Tardi ننطقها تاردي ومعناها متأخر

U :ليها نظامين
1/ ننطقها زي كلمة FOOD بالانجلش واديكو مثال UNO ننطقها اونو ومعناها نمرة واحد
2/ ازا جيه بعد منها اي حرف VOWLES على طول ننطقها W زي كلمة WORK بالانجلش واديكو مثال Uomo ننطقها womo ومعناها مان راجل يعني

V : زي الانجلش ومثال عليها Vita ومعناها حياة

Z : ليه نظام
1/ ازا جيه بين اتنين VOWLES ننطقه تس زي كلمة GRAZIE ننطقها جراتسي ومعناها متشكر
2/- ازا جيه Z مرتين ورا بعض ZZ تنطقه DZ زي كلمة RAGAZZO ننطقها راجادزو ومعناها BOY
3/ غير كده ننطقه ز زي كلمة ZERO زيرو ومعناها صفر مكعب

كده نكون خلصنا نطق الحروف الدرس التاني هيكون كلمات علشان متملوش من القواعد
CIAAAAAAAAAAAAAO
_______________________________

الدرس التالت "Lezione Tre "
الدرس ده هيكون عن السلامات والتحيات

buongiorno : صباح الخير ننطقها بونجورنو
Ciao : باي او هاي الاتنين وننطقها تشاو
buonasera : مساء الخير وننطقها بوناسيرا
buonanotta : تصبح على خير وننطقها بونانوتا " حرف التي مشدد علشان اتنين t "
arrivederci : نشوفك بعدين يعني see u later وننطفها اريفادرتشي
addio : باي يعني good bye وننطقها اديو ونركز عل الشدة على حرف الدال
ci vediamo : معناها see u وننطقها تشي فيديامو
كده خلصنا شوية من السلامات المهمة

الدرس الرابع "Lezione Quattro"
الاعداد "Numeri "

ZERO : زيرو
UNO :اونو
DUE: دوي
TRE: ترى
QUATTRO: كواترو
CINQUE: تشنكوى
SEI:سيى
SETTE: سيتى
OTTO: اوتو
NOVE:نوفى
DIECI:ديتشي
UNDICI:اونديتشي
DODICI:دوديتشي
TREDICI:ترى ديتشي
QUATTORDICI:كواترديتشي
QUIDICI: كويديتشي
SEDICI: سى ديتشي
DICIASSETTE: ديتشيا سى تي
DICIOTTO: ديتشي اوتو
DICIANNOVE:ديتشيى نوفى
VENTI: فينتي