قانون فرض الحجاب على قطاع غزة

صدر قرار في 9 يليو 2009 من مجلس القضاء الأعلى التابع لحكومة إسماعيل هنية في قطاع غزة بفرض زي خاص مماثل للزي الشرعي على المحاميات الفلسطينيات أمام محاكم القطاع اعتبارا من مطلع سبتمبر المقبل
وينص القرار على وصف لزي المحاميات في غزة امام المحاكم "كسوة من القماش الأسود المعروفة بـ(الروب)، وسترة قاتمة اللون المعروفة بـ(الجلباب – الطقم – البالطو)، وغطاء يحجب الشعر (المنديل) أو ما يماثله"
:::
طبعا زي ما هوا متوقع صارت شوشرة قانونية كبيرة على هالقصة بين نقابة المحامين اللي رفضت القرار لانو تعدي على صلاحياتها وبين مجلس القضاء
وحقوق المرأة طلعت تنادي وحقوق الانسان والجهات اليسارية واليمينية والنصانية
وكل واحد قعد يغني على موالو
:::
رئيس مجلس القضاء بيقول انو القرار ما بينص على حجاب بس نص على غطاء يحجب الشعر مع انو قال في مناسبة تانية انو القرار صدر امتثالا لأحكام الشريعة الاسلامية التي تحظر على المرأة ظهورها بشعرها امام الرجال.. اوك حجة قوية الصراحة
ما بستغربها من محامي وقانوني كبير .. بس انا عارف وانت عارف واللي جنبك عارف انو القصد من القرار الزام المحاميات بارتداء الحجاب
:::
نشوف الوضع في قطاع غزة
كم عدد المحامين في قطاع فزة كلهم
وكم نسبة الاناث بينهم
وكم وحدة من هدول المحاميات ما بتغطي شعرها اساسا
قريت احصائية بتقول انو بس 5% من كل محاميات قطاع غزة ما بيغطن شعرهن يعني لو في 10.000 محامية في غزة في منهم 500 مش محجبات
يعني لو اجيت وحسبتها في مخك تاتة تاتة حتلاقي القرار تجربة عشان يشوفو ردة الفعل لو صار تعميم في قطاع على الزام كل نسوان القطاع بارتداء الحجاب
:::
الحجاب فرض وأمر ربناي على عيني وراسي ما اظن في حد بيختلف فيها معي
بس انا اللي مزعلني ومش قادر افهمو الاجبار
من متى في اجبار في الدين
يا اخي انت حابب تنشر الوعي الاسلامي وتنشئ مجتمع مسلم على راسي من فوق انت وبحبك
اعمل محاضرات وندوات عن الحجاب
اعمل برامج في التلفزيون بتحث عالحجاب
علق في الشوارع يافطات
غني للحجاب
وزع حجابات ببلاش
اقلك اعلن اللي بتتحجب بدنا نعطيها 3 كيلو طحين وعلبة زيت قلي خالي من الكوليسترول.. مش برضو ربنا قال انو الصدقات تعطى للمؤلفة قلوبهم
بس انك تفرض بالغصب.. ليش
الحجاب امر رباني
وربنا اللي بيحاسب عليه مش انت ولا انا
واللي بتتحجب اجرها عند ربنا اما اللي بتجبرها تغطي شعرها ما اظنش الها اجر
يعني فش فايدة من الحجاب ازا كان مجرد شكل
والمسألة مش بس جاب
المسألة بتخش في كل جوانب الدين
يمكن بكرا يطلع قرار منع حلق الدقن باعتبار انها واجب
او غيرو في اي مسائل الدين
بعدين غير هيك
في غزة في نسبة من المسيحيين
هل القرارات حتشملهم ولا حتستثنيهم؟؟
كلنا شفنا تجربة افغانستان وكيف لما راحت طالبان قليل من النسوان بقيو على الزي الاجباري تبع طالبان والباقيات خلعو
وشايفين وعايشين تجربة السعودية اللي عاشت اكتر من 60 سنة تحت فرض الدين بالإجبار وليس الاقناع وشايفين مستوى الاخلاق والقيم فيها لوين واصل
ضروري نعيش نفس التجربة في غزة؟؟
منورين

شكرا على الرأي و عالمرور
بانتظار جديد ردودك و مواضيعك

اكيد مع فرض الحجاب
و يا ريت الجلباب كمان

شكرا عالطرح

تسلمي عالمرور المعطر بالفل و الياسمين

فيفي فوفة كتب:

انا مع فرض الحجاب طبعا

جزاكي الله خيرا على موضوعك الرائع

تسلمي عالمرور رأيك عجبني