مرحبا
كيف الجميع ان شالله تمام التمام
وبمناسبه قرب شهر رمضان الكريم كل سنه وانتووووو بالف خير
اليوم كان غدانا كوسا بلبن
وحبيت نشوف مع بعض كيف بينعمل
يلا نبدا الخطوات
مكـــــــــــــــوناتها
كوسا
لحمه مفرومه
بصل
لبن
نشا
ملح
وفلفل اسود
طريقه التحضير
اول شي بنحفر الكوسايات وبعد حفرهم بنجيب سكينه وبنخططهم هيك بلطول
وبعديها بنغسلها وبنظفها
وبعديها بنحضر اللحمه وهيا
اول شي بنقطع البصل صغير وبنقليه وبعدين بنحط اللحمه وبنضلنا نقلب ونتركها ربع ساعه
وبعديها بنبهرها بلفلفل الاسود والملح وشويه رشه من جوزه الطيب
وبعد ما تبرد اللحمه شويه بنروح نحشي الكوسا بلحمه المفرومه
وبعد ما نحشيها بنقليهاا
وهلا بنجيب الخلاط وبنحط فيه كاستين لبن كبار مع كاستين ماي
ومعلقتين كبار ممسوحه نشا وملح
ملاحضه ( كل كاسه لبن او علبه لبن بدها كاسه ماي وازا علبه نفس العلبه نحط فيها ماي )
ومن بعد ما ينخلطو بلخلاط شويه
بنحطهم علي النار
وبنضلنا نحرك بلبن لحتا يجمد شويه معنا وفي هاي الاثناء بنكون
محضرين تومه يعني منكون هارسين فصين تومه وبنقليها ومن بعد ما يجمد اللبن
شويه بنحط التومه عليها وبنحركها شويه وبعديها بنزل الكوسايات
وبس وبنسكبها بلصحن وبنقدم جنبيها صحن رز ابيض
وهيك بتصير معناا
وصحتين وعافيه للجميع
وان شالله تكون عجبتكم الاكله
الثلاثاء أغسطس 09, 2011 8:37 am من طرف مديرة المنتدى *
المزاج